تصميمات أبهرت كل اللي يشوفها من حضارة الفراعنة والطراز الحديث، جمعت بين الحداثة والبناء بأحدث طراز عالمي، وبين اسمه اللي له أصل فرعوني، برج نوت اللي هيكون مقر الإذاعة والتليفزيون في العاصمة الإدارية الجديدة، منين جه الاسم ده؟ “نوت” هي ألهة السماء عند قدماء المصريين، وعلشان الحضارة المصرية القديمة كانت رائدة في البناء والهندسة، لازم يكون التطور والحداثة اللي بنوصلهم مستقبل لحضارة عظيمة من الإنجازات في المجال ده.
العميد خالد الحسيني المتحدث باسم شركة العاصمة الإدارية الجديدة صرح إن تم تخصيص 400 فدان لإنشاء أول مدينة للإعلام والصحافة في العاصمة الإدارية، تحت مسمى ميديا سيتي، وهتكون استثمارية، هيتم تخصيصها لوسائل الإعلام الحكومية والخاصة، وكمان وسائل الإعلام الأجنبية اللي عندها رغبة إنشاء مقرات ليها داخل مصر.
لوضع المخطط التفصيلي، تم الاستعانة بأكبر المكاتب الاستشارية، لكن المخطط العام لم يتم الانتهاء منه لحد دلوقتي، وهيتم البدء في أعمال التنفيذ بعد تلقي شركة العاصمة الإدارية الجديدة طلبات سواء من جهات حكومية أو خاصة لإنشاء مقرات لوسائل الإعلام. ورغم كده، تصميمات برج نوت أبهرت كل اللي بيشوفها لإنها بتجمع بين حضارة الفراعنة والطراز الحديث.
